Nakapamatud-ang sad-an ang aktor nga si Russell Brand sa mga kasong rape ug sexual assault.
Human sa upat ka semana nga husay sa Southwark Crown Court sa London, gipagawas na ang hukom batok sa aktor nga nag-atubang og kaso sa rape ug tulo ka ihap sa sexual assault.
Gikustodiya dayon ang aktor human gipahibalo ang hukom ug wala kini tugoti nga makagawas pinaagi sa piyansa.
Gilauman nga ipagawas sa Lunes ang sentensiya batok sa 51-anyos nga aktor.Nagsugod ang kaso human moreklamo ang usa ka 21-anyos nga fan ni Brand nga giingong giabuso siya sa aktor niadtong 2009, sa dihang nagkita sila sa usa ka show niini sa London.
Lakip usab sa mga hukom sa korte ang pagkasad-an sa aktor tungod sa pagpanghikap sa usa ka trabahante sa MTV sa London niadtong 2004, ingon man sa paghalok ug pagpanghikap sa usa ka babaye sa iyang trabahoan niadtong 2005, ug sexual assault sa laing babaye niadtong 2009.
Matod ni Judge Joel Bennathan, maampingong gikonsiderar sa korte ang maong desisyon.
