Kapin 20 ka tawo ang naangol human uyoga sa kusog nga linog nga may magnitude 5.7 ang Shizuoka Prefecture sa sentral nga bahin sa Japan sayong kabuntagon ning Domingo, Nobyembre 8.
Sumala sa Japan Meteorological Agency, natala ang upper 5 nga intensity sa sukdanan nga zero hangtod pito sa Chita City, Aichi Prefecture, duol sa utlanan sa Shizuoka.
Wala usab gitaho nga hulga sa tsunami.
Dugang pa sa ahensya, unang higayon sulod sa 30 ka tuig nga natala pag-usab sa Aichi ang maong kakusog sa pag-uyog sa yuta.
Nabati usab ang lower 5 nga intensity sa pipila ka bahin sa Aichi, Shizuoka, Gifu, ug Nagano.Base sa banabana sa ahensya, nahimutang sa kasadpang bahin sa Shizuoka, nga may giladmon nga 41 kilometros, ang sentro o epicenter sa linog.
Samtang, sumala sa taho sa mga awtoridad sa Higashiura, Aichi, naputol o naantala ang suplay sa tubig sa pipila ka bahin sa lungsod.
Gikataho usab ang paghitabo sa pipila ka mas huyang nga aftershocks human sa nag-unang linog.
