Nagpahimangno si House prosecution member ug Representative Terry Ridon nga wala nay luna ang kampo sa depensa ni Vice President Sara Duterte sa paggamit og mga pamaagi aron malangan ang impeachment trial.
Matod ni Ridon, ang iskedyul nga gipagawas sa Impeachment Court maoy pormal nga takdang panahon nga kinahanglang sundon sa depensa, busa kinahanglan nilang ipahiangay ang oras sa pagpresentar sa mga ebidensiya aron tubagon ang mga alegasyon sa prosekusyon.
Una nang gipagawas sa korte ang iskedyul sa mga hearing alang sa tibuok bulan pinaagi sa advisory nga may petsang Oktubre 13, 2026.
Base sa opisyal nga dokumento sa Impeachment Court, nagsumite na ang kampo sa depensa og lista sa 25 ka testigo nga ilang gustong ipresentar sa paglilitis. Apan una nang miatras isip unang testigo si political ug constitutional law professor Ralph Sarmiento.
Samtang, nagtuo si House Deputy Speaker ug Iloilo 1st District Representative Janette Garin nga naggamit ang kampo ni Duterte sa gitawag niyang “3D tactic” o “Delay, Delay, and Divert” nga pamaagi.
Gilauman nga malikayan ang dugang paglangan aron makapadayon ang Impeachment Court sa pagpagawas og patas ug tukmang panahon nga desisyon.
