-- ADVERTISEMENT --
Gitugotan na sa mga doktor nga makagawas sa Gemelli Hospital si Pope Leo XIV human makumpirma nga maayo ang iyang kahimtang sa panglawas.
Sumala sa Holy See Press Office, gipailalom ang Santo Papa sa mga pagsusi sa dugo ug chest X-ray niadtong Sabado sa buntag, nga nagpamatuod nga mahimo na siyang makagawas sa ospital.
Gilauman nga mobalik siya sa Vatican sa Sabado sa hapon ug manguna sa pag-ampo sa Angelus gikan sa bintana sa iyang apartment sa Dominggo.
Kahinumduman nga niadtong Oktubre 11, 2026, nadiskobrehan ang usa ka nodule o gamay nga bukol sa iyang baga atol sa naandan niyang medical examination.
Sa pagkakaron, gipaabot ang pagbalik sa Santo Papa sa Vatican human makompleto ang iyang pagpabilin ug pagpaeksamin sa ospital.
-- ADVERTISEMENT --
