Gipasalig sa Malacañang nga hugot nga bantayan ni Presidente Ferdinand Marcos Jr. ang gisugyot nga ₱7.2-trilyong national budget alang sa 2027 aron malikayan ang pag-abuso ug korapsyon sa paggamit sa pondo sa gobyerno.
Sumala sa Palasyo, magtinabangay ang Presidente ug ang Department of Budget and Management sa pagmonitor sa paggasto aron masiguro nga makabenepisyo niini ang katawhang Pilipino.
Aduna usab kahigayonan ang mga mambabalaod nga susihon ang mga gisugyot nga kausaban sa budget atol sa deliberasyon sa bicameral conference committee.
Pagpasabot usab sa Palasyo nga adunay mekanismo ang DBM nga gitawag og “for later release,” diin dili dayon ipagawas ang pipila ka pondo hangtod mapamatud-an nga makatarunganon ug adunay igong basihan ang mga proyekto.
Samtang, wala pa maghatag og tubag ang Malacañang kung ikonsiderar ba sa Presidente ang paggamit sa reenacted budget kung adunay madiskubreng iregularidad sa gisugyot nga badyet. Matod sa Palasyo, dili pa angay nga unhan ang maong
posibilidad.
