Padayon nga gipalig-on sa Commission on Human Rights (CHR) ang mga lakang alang sa proteksiyon, kaayohan ug pagpalambo sa mga katungod sa mga mamumuo sa media pinaagi sa pagpahigayon sa Gender Sensitivity for Media.
Gipahigayon ang maong kalihokan sa pakigtambayayong sa Philippine Commission on Women (PCW) ug Society of Trans Women of the Philippines, Inc. (STRAP), isip kabahin sa pagpalapad sa kahibalo bahin sa pagkaparehas sa gender, pagka-inklusibo, ug pagtahod sa dignidad ug katungod sa matag indibidwal sa natad sa pamamahayag.
Tumong sa CHR nga palawmon ang pagsabot sa mga media worker sa kamahinungdanon sa gender sensitivity ug responsable nga paghulagway sa mga tawo sa mga balita ug uban pang porma sa komunikasyon. Gipasiugda usab niini ang panginahanglan nga ipatuman sa adlaw-adlaw nga buluhaton sa mga institusyon sa media ang mga prinsipyo sa tawhanong katungod.
Gikanayon usab sa maong inisyatiba ang importante nga papel sa mga mamamahayag sa pagpalambo sa usa ka katilingban nga nag-ila ug nagtahod sa katungod ug dignidad sa tanan. Pinaagi sa mas sensitibo, patas ug inklusibong pamamahayag, makatabang ang media sa pagtukod og usa ka luwas ug gawasnong palibot alang sa tanan.
