Walay face-to-face classes karong Lunes, Setyembre 21,2026 sa pipila ka lugar sa nasud tungod sa pagsaulog sa ika-54 nga anibersaryo sa deklarasyon sa Martial Law ug uban pang lokal nga sitwasyon.
Sa Manila, gipahunong ang face-to-face classes sa tanang lebel sa pampubliko ug pribadong mga eskwelahan, samtang gipadayon sa mga estudyante ang Alternative Delivery Mode o ADM isip puli sa pisikal nga pag-eskwela.
Sa tibuok Cebu province, lakip ang Mandaue City, Minglanilla, Consolacion ug Liloan, walay pisikal nga klase. Samtang sa Cebu City ug Talisay City, public schools lamang ang gisuspenso tungod sa “acutely unhealthy” nga Air Quality Index o AQI.
Human sa pagpamusil sa Banga National High School, walay klase usab sa Banga ug Surallah, South Cotabato isip lakang sa pag-amping ug panahon sa pagpahiuli sa kahimtang.
Sa Sultan Kudarat, gibalhin sa modular distance learning ang mga klase sa tanang lebel sa Lebak ug Palimbang human suspindihon ang face-to-face sessions.
Gipahinumdoman ang mga estudyante ug ginikanan nga maghulat sa sunod nga opisyal nga pahibalo sa lokal nga panggobyerno bahin sa pagbalik sa regular nga klase ug uban pang iskedyul sa pag-eskwela sa ilang lugar.
