Giakusahan ni Ukraine President Volodymyr Zelenskyy ang Russia nga ika-pilang higayon nga gitarget ang iyang gisakyan nga eroplano atol sa iyang pagbiyahe.
Nahitabo ang insidente samtang anaa siya sa Moldova, diin giingong nagpahigayon og drone attack ang Russia sa maong nasod samtang anaa didto ang iyang presidential jet.
Pagbalik usab niya sa Ukraine, wala gihapon mihunong ang mga pag-atake nga iyang giingong nagbutang kaniya sa peligro.
Una nang gipahayag ni Norwegian Prime Minister Jonas Gahr Store nga hapit maigo sa drone ang eroplano ni Zelenskyy samtang anaa kini sa airspace.
Padulong kaniadto si Zelenskyy sa Oslo, Norway alang sa iyang pagbisita sa maong nasud sa dihang nahitabo ang giingong pag-atake.
Hinuon, walay naangol o namatay nga miyembro sa presidential delegation nga kauban sa Ukrainian president sa maong insidente.
Nagpadayon ang tensyon tali sa Russia ug Ukraine samtang nagpadayon usab ang mga pag-atake ug tensyon sa rehiyon.
