Gimando sa Sandiganbayan nga ibalhin si Leyte Representative Martin Romualdez gikan sa Cardinal Santos Medical Center ngadto sa Philippine General Hospital o PGH samtang nagpadayon ang kaso nga may kalabotan sa giingong anomalya sa flood control projects.
Sumala sa anti-graft court, gikinahanglan ang independent medical examination sa PGH aron masuta kung kinahanglan pa ba nga magpadayon ang pagpa-confine ni Romualdez sa usa ka medical facility.
Una nang miatubang sa korte ang mga doktor ni Romualdez nga miingon nga adunay risgo kung ibalhin siya ngadto sa laing ospital ug kinahanglan pa siya og dugang panahon alang sa pag-monitor sa iyang kahimtang.
Lakip sa kaso si Romualdez human siyang kasuhan sa Ombudsman og plunder uban sa kanhi kongresista Zaldy Co ug duha pa ka indibidwal tungod sa giingong pagdawat og kickback nga mokabat og ₱7.44 bilyon gikan sa flood control projects.
Mitambag usab si Ombudsman Jesus Crispin Remulla kang Romualdez nga “man up” and “face the music” o atubangon ang mga kaso imbes nga mangayo og dugang panahon sa pagpabilin sa ospital.
Gipasalig sa Sandiganbayan nga ipadayon ang hustong proseso samtang ginatan-aw ang medikal nga kahimtang sa kanhi House Speaker.
