Padayon gihapon ang epekto sa habagat sa daghang bahin sa Luzon, diin adunay mga lugar nga nagpabiling baha samtang nagpadayon ang pag-ulan ug kusog nga hangin.
Sumala sa PAGASA, ang habagat padayon nga nagdala og ulan sa Luzon, samtang ang Tropical Storm Pilandok nagpabiling layo sa Philippine landmass apan nakaapekto gihapon sa southwest monsoon.
Lakip sa mga grabeng naapektuhan sa pagbaha ang mga lugar sa Pangasinan, Bulacan, Pampanga, Tarlac, Bataan ug Zambales.
Sa Pampanga, daghang barangay ang nagpabiling baha, samtang adunay mga dalan nga lisod o dili gihapon maagian sa gagmayng sakyanan.
Tungod niini, daghang mga biyahero ug motorista ang na-stranded na usab tungod sa taas nga tubig ug dili maagian nga mga dalan sa pipila ka bahin sa Luzon.
Adunay usab mga motorista nga napugos sa pagpangita og alternate routes, samtang ang uban naghulat nga mokunhod ang baha aron makapadayon sa ilang biyahe.
Padayon ang monitoring sa mga otoridad sa mga flood-prone area tungod sa posibilidad sa dugang nga pag-ulan.
Giawhag ang publiko nga likayan ang pagtabok sa baha ug magmonitor sa weather ug traffic advisories sa dili pa mobiyahe.| VIA BOMBO EROS PAJOTA
