Misulod na sa pre-construction stage ang Bunawan Terminal site sa Davao Public Transport Modernization Project kon DavaoBus, diin gipahigayon na ang unang preparasyon sa lugar.
Nahimutang ang site sa Daang Maharlika Highway sa Bunawan, tupad sa Davao Light Substation ug wala pay usa ka kilometro gikan sa Barangay Hall.
Dugang pa, nahuman na ang perimeter fencing ug gibutang na usab ang project information boards sa atubangan sa lugar.
Lakip sa plano nga mahimong silingan sa maong terminal ang umaabot nga Northbound Provincial Bus Terminal.
Kabahin ang Bunawan Terminal sa DPTMP Contract Package No. 2 nga adunay kantidad nga P2.6 bilyon ug gi-award sa China International Water & Electric Corp.
Sakop usab sa maong package ang Toril Terminal and Depot ug Calinan Terminal, nga pareho na usab adunay fencing ug nagpadayon sa pre-construction activities.
Sa pagkakaron, padayon ang preparasyon sa mga site isip kabahin sa mas lapad nga pagmodernize sa public transport system sa Davao City.| VIA BOMBO EROS PAJOTA
