Mawad-an og agas-tubig sulod sa walo ka oras ang pipila ka lugar nga giserbisyohan sa Cabantian Water Supply System karong Martes, Agosto 18, 2026.
Gikatakda ang temporaryong water interruption gikan alas-9 sa buntag hangtod alas-5 sa hapon.
Apektado niini ang Mountain View Village ug Sialza Compound sa Brgy. Cabantian, Davao City.
Gipatuman ang temporaryong pagputol sa agas aron mahimo ang pagdugtong sa bag-ong iinstolar nga tubo sa Davao City Water District.
Kabahin kini sa pagpalambo sa mainline nga tubo sa Purok 32, Sialza Compound sa Brgy. Cabantian.
Gitambagan ang mga residente sa apektadong lugar nga magtigom daan og igo nga tubig nga ilang magamit samtang nagpadayon ang trabaho.
Gilauman nga mobalik ang normal nga agas-tubig human mahuman ang koneksyon ug mga gikinahanglang buluhaton sa maong linya sulod sa gitakdang oras karong Martes sa maong adlaw. | VIA BOMBO EROS PAJOTA
