Dakong garbo gikan sa tribong Matigsalug ang pagka-pili isip Hiyas sa Kadayawan 2026 kang Christine Faith Gawilan, usaka public school teacher atol sa coronation night sa maong panag-indigay.
Kini gumikan kay sukad niadtong tuig 2013 o human ang trese ka tuig, subling nasakmit sa maong tribu ang korona.
Na-una nang gikanayon ni Gawilan nga una niyang himuon isip usaka magtutudlo mao ang pagpatuman sa nag-una niya nga adbokasiya dili lamang alang sa iyang mga tinun-an, kung dili apilsa iyang mga kubanan nga mga lumad ug sa Muslim community.
Gihalad sumala pa niini ang dako iyang kadaugan ug kalampupsan dili lamang alang sa iyang kaugalingon kung dili labaw sa tanan sa kinatibuk-nang komunidad sa Matigsalug.
Gipasalig usab ni Gawilan nga makig-lambigit kini ngadto sa lokal nga panggamhan aron mapanalipdan ang mga katungod sa ancestral domain.
Sa pikas bahin, gikoronahan usab si Bai Ayessa Mangansakan sa Maguindanaon isip Hiyas sa Panaghiusa 2026, samtang Hiyas sa Kalambuan usab si Marziyah Channa Abinal nga gikan sa tribung Meranaw.
