Taas ang posibilidad nga mahimong tropical depression sulod sa 24 oras ang Low Pressure Area nga gibantayan sa gawas sa Philippine Area of Responsibility.
Matud sa PAGASA, kataposang namonitor ang LPA mga 1,950 kilometro silangan sa Extreme Northern Luzon.
Samtang, padayon usab nga nakaapekto ang habagat o Southwest Monsoon sa Luzon ug kasadpang bahin sa Visayas.
Gipaabot ang panagsang pag-ulan sa Zambales, Bataan ug Occidental Mindoro, diin posible ang flash floods ug landslides tungod sa moderate hangtod heavy rains.
Makasinati usab og cloudy skies uban sa scattered rains ug thunderstorms ang Metro Manila, Ilocos Region, Cordillera Administrative Region, Cagayan Valley, CALABARZON, MIMAROPA, Central Luzon, Camarines Norte, Aklan, Antique ug Capiz.
Sa ubang bahin sa Luzon, posible ang isolated rain showers ug thunderstorms tungod sa localized thunderstorms.
Padayon nga ginabantayan sa PAGASA ang lihok sa LPA ug ang epekto sa habagat sa mga apektadong lugar.
