Nagpabuhi ang North Korea og ballistic missile sa wala pa magsugod ang annual joint military drills sa Estados Unidos ug South Korea nga nailhang Ulchi Freedom Shield.
Magsugod ang 11-day military exercises sa Agosto 17 ug molungtad hangtod Agosto 27.
Matud sa Joint Chiefs of Staff sa South Korea, gipabuto ang missile gikan sa Wonsan area sa eastern coast paingon sa East Sea o Sea of Japan alas-6 karong buntaga.
Miabot sa kapin 700 kilometro ang gilay-on nga nalupad sa missile.
Ikaduha na kini nga ballistic missile test sa North Korea sulod lamang sa usa ka semana, nga gitan-aw isip protesta batok sa joint military drills.
Giisip sa Pyongyang ang maong exercises nga preparasyon alang sa posibleng invasion.
Samtang, gipasalig sa South Korea nga padayon silang makigkoordinar sa Estados Unidos batok sa bisan unsang provocation, samtang gihangyo usab sa Seoul ang North Korea nga hunongon ang missile launches nga giingong supak sa United Nations Security Council resolutions.
| via Bombo Ray Ann Martinez
