Nagsaad si Prime Minister sa thailand nga si Anutin Charnvirakul nga magpatuman og mas higpit nga balaod bahin sa armas human sa pagpamusil sa usa ka 14-anyos nga estudyante sa nonthaburi nga nakapatay og walo ka tawo ug nakapaangol sa 22.
Una nga gipatay sa menor de edad ang iyang mga apohan sa wala pa siya miadto sa debsirin school diin gipusil niya ang lima ka magtutudlo ug sa ulahi nagpakamatay.
Sumala sa kapulisan, ang armas ug mga bala nga gigamit iya sa iyang apohan ug legal nga rehistrado.
Miingon ang prime minister nga ang bag-ong balaod maglimitar sa pagdala og armas sa publiko ug ang mga opisyal lamang sa gobyerno nga anaa sa katungdanan ang tugotan nga magdala niini.
Ang insidente nagpasiugda pag-usab sa taas nga gidaghanon sa mga sibilyan nga adunay armas sa thailand, nga gibanabanaan nga mokabat sa 10.3 milyon, lakip na ang upat ka milyon nga ilegal.
Nagpadayon ang imbestigasyon sa mga awtoridad aron matino ang ubang detalye sa luyo sa makalilisang nga pagpamusil.
