Opisyal ng gisugdan sa 11 ka mga kandidata alang sa Hiyas sa Kadayawan 2026 ang ilang panaw sa prestihiyosong kompetisyon human ipahigayon ang ilang sashing ceremony niadtong Hulyo 30, 2026, sa Waterfront Insular Hotel.
Gipaila sa maong seremonya ang mga kandidata nga nagrepresentar sa nagkalain-laing lumad ug etnikong grupo sa Davao City, lakip sila Leslie Jean Manambay sa Ata, Diane Patrice Soliman sa Bagobo-Klata, Mary Joy Antic sa Bagobo-Tagabawa, Christine Faith Gawilan sa Matigsalug, Christine Joy Again sa Obu-Manuvu, Sittie Hayah Usman sa Iranun, Jamaica Prado sa Kagan, Bai Ayessa Mangansakan sa Maguindanaon, Marziyah Cha na Abinal sa Maranao, Marisol Barani sa Sama, ug Lowella Nakilan sa Taosug.
Gitakda ipahigayon ang Hiyas sa Kadayawan Cultural Presentation karong Agosto 9 sa SM City Davao, samtang ang coronation night ipahigayon karong Agosto 13 sa University of Southeastern Philippines (USeP) Gymnasium. Sa pagkakaron, nagpadayon ang pagpangandam sa mga kandidata alang sa maong kompetisyon isip kabahin sa selebrasyon sa Kadayawan Festival 2026.
