Magpatuman ang Quezon City Government og city-wide liquor ban sa umaabot nga Lunes, Hulyo 27, 2026 dungan sa ikalimang State of the Nation Address (SONA) ni Pangulong Ferdinand Marcos Jr. sa Batasang Pambansa Complex.
Sumala sa Quezon City Government, epektibo ang liquor ban sugod alas 12:01 sa kaadlawon hangtod alas-6:00 sa gabii aron makatabang sa pagmintinar sa kalinaw ug kahapsay sa siyudad.
Una nang gipahibalo sa lokal nga panggamhanan ang pagsuspenso sa klase sa tanang lebel sa pampubliko ug pribadong mga eskwelahan sa maong adlaw.
Tumong niini nga mapamenosan ang trapiko ug mahatagan og higayon ang publiko nga masubay ang pakigpulong sa Presidente.
Samtang, gipasalig ni Department of the Interior and Local Government (DILG) Secretary Jonvic Remulla nga kapin sa 20,000 ka pulis ang ipakatap aron masiguro ang seguridad sa mga motambong ug sa publiko atol sa SONA.
