Gikuwestiyon ni Senator-Judge Raffy Tulfo ang pagpatuman sa gitakdang two-minute speaking limit sa impeachment trial ni Vice President Sara Duterte.
Gipadayag ni Tulfo ang iyang kabalaka atol sa pagdungog kanaidtong Miyerkules human niyang namatikdan nga adunay mga senador nga makapangutana sulod lamang sa lima hangtod napulo ka minuto sa wala pa gipatingog ang warning bell.
Tubag ni Senate impeachment court Presiding Officer Francis “Chiz” Escudero, walay majority o minority sa impeachment court tungod kay ang tanang miyembro nagserbisyo isip senator-judges.
Gipasabot usab ni Escudero nga adunay mga higayon nga gisugtan niya ang usa ka senador nga mopadayon sa pagpangutana aron mahuman ang linya sa interpelasyon.
Tungod niini, gimando ni Escudero sa clerk of court nga siguruhon ang patas ug parehas nga pagpatuman sa time limit sa tanang senator-judges.
Samtang, miuyon si Senator-Judge Alan Peter Cayetano sa obserbasyon ni Tulfo ug misugyot nga imbis higpitong sundon ang duha ka minutos, hangyoon na lamang sa presiding officer ang mga senador nga tapuson ang ilang pangutana kung gikinahanglan.
