Mihangyo ang Palasyo nga sundon ang balaod ug ang hustong proseso sa impeachment trial batok kang Vice President Sara Duterte.
Matud pa ni Palace Press Officer Usec. Claire Castro nga ang bugtong hangyo ni Pangulong Ferdinand Marcos Jr. mao ang pagsunod sa balaod ug sa gitakdang proseso sa pag taral.
Gipahayag ni Castro nga base sa ilang nakita ug nabasa, hapsay ang dagan sa pagdungog sa Senado ug nasunod ang gitakdang proseso sa Impeachment Court.
Bisan paman niini, mibalibad ang Malacañang sa paghatag og komento sa mga ebidensiya nga gipresentar sa prosecution sa unang tulo ka adlaw sa trial, ug giingong dili mandato sa ehekutibo ang pag-assess niini samtang nagpadayon ang impeachment proceedings.
Gipasabot ni Usec. Castro nga trabaho sa Senado ang pagsusi sa mga nahitabo sa impeachment ug mahimo usab nga bantayan sa katawhan ang proseso aron makahimo sila og kaugalingong pag-assess sa mga nahitabo.
