Gideklarar ni U.S. President Donald Trump nga gitapos na niya ang kasabutan sa ceasefire tali sa Estados Unidos ug Iran human sa bag-ong panagsangka ug pag-atake sa miaging gabii.Miingon si Trump atol sa iyang pagtambong sa NATO Summit kaniadtong Miyerkules, Hulyo 8, 2026 nga naglunsad ang Estados Unidos og kusog nga pag-atake batok sa Iran ug mipasidaan nga posible pa kini nga mausab.
Gipasanginlan usab niya ang gobyerno sa Iran nga nanglimbong ug gitawag kini og “scum,” human giingong gilapas niini ang ilang memorandum of understanding (MoU) nga gipirmahan sa duha ka nasud kaniadtong Hunyo 17, 2026.Matud pa ni US President, wala na siyay interes nga ipadayon ang pakigpulong sa Iran ug miingon nga wala na siyay pagsalig sa mga opisyal niini.
Mibalos usab si Iranian Foreign Minister Abbas Araghchi nga tubagon sa Iran ang Estados Unidos dili lamang pinaagi sa pagsalikway sa mga hulga, kondili pinaagi sa mas bug-at nga aksyon. Gibalik sa Estados Unidos ang mga sanksyon batok sa Iran human gibawi ang temporaryong suspensyon niini nunot sa Iranian Foreign Minister Abbas Araghchi.
Misaka usab pag-usab ang presyo sa lana sa internasyonal nga merkado tungod sa kabalaka sa posibleng pagsamot sa tensiyon sa Middle East.
