Gibutyag ni defense team spokesperson Atty. Michael Poa nga wala’y nahimong “bad reaction” si Vice President Sara Duterte human sa ikaduhang adlaw sa Senate impeachment trial kaniadtong Martes, Hulyo 7, 2026.
Gikanayon ni Poa sa usa ka press briefing sa Senado kaniadtong Miyerkules, naka-istorya niya ang Bise Presidentre kaniadtong Martes sa gabii ug wala siyay namatikdan nga dili maayong reaksiyon gikan kaniya kabahin sa dagan sa pagdungog.
Dugang ni Poa nga padayon nga nagpasalamat si VP sa mga miyembro sa defense team alang sa ilang serbisyo isip iyang mga abogado.
Miingon usab siya nga isip abogado, nasabtan sa Bise Presidente ang mga proseso ug panghitabo sulod sa impeachment trial. Giklaro pa ni Poa nga wala’y nahitabong isyu atol sa ikaduhang adlaw sa pagdungog.
