Misaka na sa 3,342 ang gidaghanon sa mga namatay tungod sa nagsunod-sunod nga kusog nga linog nga miigo sa Venezuela, sumala sa pinakabag-ong datos nga gipagawas sa information ministry sa nasud. Sumala pa, milapas na usab sa 16,000 ka mga indibidwal ang naangol sa maong kalamidad, samtang misaka sa kapin 17,000 ka mga residente ang napugos sa pagbiya sa ilang mga panimalay human madaot o maguba ang ilang mga kabtangan tungod sa kusog nga paglinog.
Dugang pa niini, gidepensahan ni Interim President Delcy Rodriguez ang mga lakang nga gihimo sa gobyerno taliwala sa nagkakusog nga pagsaway ug kasuko sa publiko tungod sa giingong nalangan ug dili igo nga pagresponde sa mga otoridad human sa trahedya. Matud pa kang Rodriguez, dayon nilang gipalihok ang mga security forces aron motabang sa mga naapektuhan, ug gipahibalo usab ang pagtukod sa usa ka bag-ong military unit nga espesipikong motubag sa mga emerhensya ug mga kalamidad.
Sa kasamtangan, nagpadayon ang search and rescue ug relief operations sa nagkalain-laing bahin sa nasud, samtang nagpadayon usab ang gobyerno sa paghatag og tabang sa liboan ka mga pamilya nga naapektuhan sa maong serye sa kusog nga mga linog.
