Magtigom ang mga Katolikong obispo sa Ozamiz City sa sunod nga semana alang sa ika-32 Plenary Assembly sa Catholic Bishops’ Conference of the Philippines (CBCP).
Sumala kang CBCP Secretary General Msgr. Bernardo Pantin, hisgotan sa mga obispo ang nagkadaiyang pastoral priorities ug mga importanteng isyu nga giatubang sa Simbahan ug sa nasud.
Lakip sa mga pagahisgotan ang mental health, pag-atiman sa kalikupan, global energy crisis ug uban pang mga isyu nga nakaapekto sa mga komunidad.
Dugang pa niini, pormal nga ablihan ang maong asembliya pinaagi sa mensahe ni Apostolic Nuncio Archbishop Charles Brown ug CBCP President Archbishop Gilbert Garcera.
Sa kasamtangan, giawhag ni Msgr. Pantin ang mga tumutuo nga ampoan ang mga obispo aron mahimong mabungahon ang ilang mga panaghisgot alang sa kaayohan sa Simbahan ug sa katawhan.
