Hugtanong gipanghimamak ni Department of Interior and Local Government (DILG) Secretary Jonvic Remulla nga aduna nay migawas nga warrant of arrest gikan sa International Criminal Court (ICC) batok kang Senator Christopher ‘Bong’ Go ug sa duha ka mga kanhi police.
Sumala sa kalihim, wala pay nadawat ang mga otoridad nga mga dokumento gikan sa ICC batok sa senador ug sa mga kapulisan.
Ang nahisgutang pahayag ang kasunod sa pagbutyag ni Davao City Representative Paolo “Pulong” Duterte sa iyang social media nga aduna kini reliable source nga adunay migawas nga ICC warrants batok kang Go ug mga kapulisan.
Gikuwestiyon usab ni Duterte ang administrasyon ni Pangulong Ferdinand Marcos Jr nga gigamit ang ICC batok mga kaatbang niini sa pulitika.
Gipamugos usab ni Remulla nga nahinabi niini si Justice Secretary Fredderick Vida ug gikanayon sumala pa niini nga wala pa silay nadawat nga unsa mang dokumento.
Bisan sumala pa ang Philippine Natioal Police wala usay nadawat nga unsa mang dokumento labot sa ICC warrants.
Kahinumduman nga una nang gipagawas ang warrant of arrest batokj kang Senator Ronald “Bato” Dela Rosa gumikan sa pagkalambigit niini sa duguon nga war-on-drugs niadtong panahon ni kanhi Pangulong Rodrigo Duterte.
