Misaka na sa 68 ka tawo ang kumpirmadong namatay usa ka semana human miigo ang NDRRMC nga linog sa Mindanao. Sumala pa sa National Disaster Risk Reduction and Management Council (NDRRMC), Martes, Hunyo 16, miabot na usab sa kapin 330,000 ka pamilya o sobra 1.3 milyong indibidwal ang naapektuhan sa maong kalamidad.
Dugang pa, lakip sa maong numero, kapin 4,400 ka pamilya o sobra 18,000 ka indibidwal ang temporaryong nagpabilin sa mga evacuation centers samtang nagpadayon ang ilang kalisdanan human sa linog.Lakip sa maong report, kapin 67,000 ka balay ang nadaot sa mga rehiyon sa Region 9, Region 11, Region 12 ug sa Bangsamoro Autonomous Region in Muslim Mindanao.
Gibanabana nga kapin 12,000 ka balay ang hingpit nga naguba samtang labaw sa 55,000 ang partially damaged. Sa pagkakaron, miabot na sa kapin P148 milyon ang danyos sa imprastruktura base sa damage assessment sa mga apektadong rehiyon lakip ang Region 6, Region 11, Region 12 ug BARMM.
Sa kasamtangan, padayon ang paghatod sa gobyerno og tabang ug assistance ngadto sa mga apektadong pamilya pinaagi sa lokal nga panggamhanan ug regional agencies aron masiguro ang padayon nga relief ug recovery operations sa mga naapektuhang komunidad.
