Nasutaan sa mga otoridad ang usa ka wala pa mailhing piraso sa debris nga adunay mga langyawng marka human kini makit-an sa baybayon sa Sitio Talim, Barangay Luyahan sa lungsod sa Lian niadtong Lunes, Hunyo 15, 2026.
Sumala sa Philippine Coast Guard (PCG), usa ka concerned citizen ang unang mitaho sa maong butang ngadto sa mga awtoridad human kini namatikdan sa daplin sa baybayon.
Gibutyag sa PCG nga ang debris adunay gibanabanang sukod nga 20 ka pye ang gitas-on ug 10.5 ka pye ang gilapdon. Dugang pa, giingong hinimo sa aluminum ang maong debris ug adunay marka nga posibleng nagtumong sa “Antenna Transmission Window 5”
Lakip sa ginasusi karon sa mga awtoridad ang posibleng gigikanan ug tinuod nga kinaiya sa maong butang, tungod kay wala pa matino kung gikan ba kini sa eroplano, barko o laing matang sa kagamitan.
Sa pagkakaron, anaa na sa kustodiya sa PCG ang nadiskobrehang debris alang sa hustong dokumentasyon, monitoring ug dugang pang ebalwasyon. Sa kasamtangan, nagpadayon ang imbestigasyon ug koordinasyon sa mga may kalabutang ahensya aron matino ang eksaktong gigikanan sa maong debris nga nakit-an sa baybayon sa Batangas.
