6,652 ka mga aftershocks natala sa PHIVOLCS

Nagpadayon ang PHIVOLCS sa pagrekord og mga aftershock gikan sa kusog nga linog nga niigo sa Sarangani niadtong Hunyo 8, 2026, nga adunay kusog nga Magnitude 7.8.

Sumala sa labing bag-ong taho karong adlawa, miabot na sa 6,652 ang natala nga mga aftershock, diin 1,575 ang na-plot ug 80 ang gibati sa publiko.

Ang kusog sa mga aftershock naglangkob gikan sa Magnitude 1.2 hangtod 6.4 ug padayon gihapon nga narehistro.

Gipahimangnoan sa mga awtoridad ang mga residente sa Mindanao nga magpabiling alerto ug mosunod sa mga safety protocols.

Ang maong linog usa sa labing kusog nga natala sa nasod karong tuiga, ug gilauman nga magpadayon pa ang mga aftershock sulod sa umaabot nga mga bulan.