Gipadayag ni Sen.Jinggoy Estrada karong hapon lamang sa usa ka press conference nga daghang higayon sumala pa kining gitanyagan nga biyaan ang independent majority bloc tugbang sa pagbasura sa iyang mga kaso nga may kalabotan sa flood control scandal.
Kini ang giluwatang pamahayag sa senador human sa iyahang pag-surrender sa mga otoridad
Sumala sa senador, pipila ka higayon sumala pa kining giduol sa maong suhestyon, apan wala siya mosugot niini ug mipadayon sa iyang baruganan samtang nag-atubang sa mga kaso nga giduso batok kaniya.
Kahinumduman, nag-isyu og warrant of arrest ang Sandiganbayan batok kang Sen. Jinggoy Estrada ug sa iyang mga kaubanan gumikan sa kasong plunder nga walay pyansa nga girekomenda.
Gilayon usab nga miabot sa Senado si DILG Sec. Jonvic Remulla.
Sa pangutana sa media, iyahang gibutyag nga anaa lamang siya aron pagtuman sa iyang katungdanan.
Samtang, miabot usab sa Senado ang mga personahe sa Philippine National Police Criminal Investigation and Detection Group aron motuman sa ilang katungdanan kalabot sa implementasyon sa maong warrant.
