Usa ka Katolikong pari nga gitudlo ni Pope Leo XIV isip obispo ang miatras sa pagdawat sa posisyon sa wala pa moabot ang usa ka bulan sa iyang nakatakdang episcopal ordination, sumala sa Catholic Bishops’ Conference of the Philippines (CBCP).
Nasayran nga si Rev. Fr. Gerardo Saco Jr. gitudlo isip obispo sa Tagbilaran sa Bohol niadtong Marso 25 ug nakatakdang maordinahan unta kini ug ma-install sa Mayo 26, apan miatras kini karong adlawa tungod sa iyahang gitawag nga “human limitations and inadequacies.”
Sa usa ka talagsaon ug mapainubsanon nga desisyon,sumala pa niya nga kini naggikan sa “lawom nga pag-ila” sa iyang kaugalingong limitasyon human sa pag-ampo ug maampingong pagdiskubre (discernment).
Tungod niini nangayo siya og pagsabot samtang gipamatud-an ang iyahang padayon nga paningkamot sa matinud-anong pag-alagad isip pari.
Usa kini ka lig-on nga pahinumdom: sa Simbahan, ang pagpangulo dili bahin sa kahimtang o dungog, kundili sa maampingong pag-ila sa kabubut-on sa Diyos, pagpaubos, ug pagkamatinumanon sa Iyang kabubut-on.
