Mipadangat sa ilahang kasub.anan ang mga mangtutungha sa Tagum City National High School human sa pagkaalaot sa kinabuhi sa duha ka magtutudlo nga nalambigit sa trahedya nga pagkahugmak sumala pa sa ka tunnel sa dakbayan sa Panabo. Giila ang mga magtutudlo,nga sila Rodolfo Maputol, 59 anyos, nga residente sa dakbayan sa Tagum.
Nasayran nga hapit na unta mahuman sa serbisyo isip magtutudlo ang nahisgutan. Samtang si Wilson Bardago, 63 anyos, nga usa usab ka retiradong magtutudlo nga gituohang nakbsan usab sa kinabuhi gumikan sa maong panghitabo nga residente sa dakbayan sa Tagum. Sa kasamtangan, nagpadayon ang pagbangutan ug paghatag og pangasubo sa mga mangtutungha, diin daghan ang nakahinomdom sa ilang kontribusyon isip mga magtutudlo nga naghulma sa nagkanda-iya niining kinabuhi.
Giangkon sa mga tinun-an sa mga nahisgutang magtutudlo nga lisod dawaton ang maong panghitabo, apan ilahang gipasalig nga magpablilin sumala pa ang ligasiya nga giblin ngadto kanila isip nga tinun-an. Kahinumduman nga gikumpirma sa mga otoridad sa dakbayan sa Panabo nga Duha ang kumpirmadong patay ug tulo ang padayon pang gipangita nga mga treasure hunters human ma-trap sa usa ka tunnel sa Prk. 5,Upper Licanan,Panabo City,Davao del Norte sa gabie niadtong Hwebes Abril 23.
Ang biktima nga sila Rodolfo Maputol, 59 anyos, napalgan gilayon ang patayng lawas niini ug kauban niini nga Pepe Patriarca, 59 anyos nga narekober kagahapon sa udto (Abril 24) human sa search and retrieval operation. Samtang padayon pa usab karon ang gipahigayong retrieval operations alang sa tulo ka mga biktimang nabilin sa sulod sa tunnel nga sila si Wilson Bardago,63 anyos, Mario Quiniquito 39 anyos nga residente sa Panabo City ug Sucias Late 75 anyos nga taga Agusan del Sur. Subay sa imbestigasyon sa Panabo City Police Office, nagpahigayon sumala pa og treasure hunting activity ang mga nahisgutan apan dunay kalit sumala nga nibuto sa sulod hinungdan nga na-trap ang mga biktima.
Daling nagpahigayon ug search and rescue operations ang kapulisan kauban ang CDRRMO-Panabo City, 27IB-Philippine Army,BFP-Panabo City,BFP Special Rescue Force ug PNP-EOD.
