-- ADVERTISEMENT --
Usa ka dakong sunog sa Sabah, Malaysia ang nakadanyos sa usa ka coastal water village, nga mi-ugdaw sa 1,000 ka mga balay ug nakaapekto sa kapin 9,000 ka mga residente.
Tungod sa kusog nga hangin ug dikit-dikit nga mga panimalay nga sagad gama sa mga kahoy nga anaa kini sa katubigan, dali kaayo nga mikaylap ang kalayo, nga miresulta sa grabeng kadaot ug displacement sa mga residente.
Nagpadayon karon ang gihimong imbistigasyon sa mga otoridad aron masuta ang hinungdan sa sunog ug ang kinatibuk-an nga danyos.
Gilusad usab ang relief, ug recovery operations sa mga otoridad. Hinuon, bisan sa kalapd sa nahiatabong sunog walay natalang naangol og nakabsan sa kinabuhi.
