Gisalikway ni kanhing Ombudsman Samuel Martires ang alegasyon nga nakadawat siya og kwarta gikan sa mga tawo ni kanhing Pangulong Rodrigo Duterte.
Migawas ang iyahang pahayag human sa testimonya ni Ramil Madriaga sa Kamara kagahapong adlawa( Abril 14, 2026) diin iyang gibutyag nga nagdala siya og duha ka bag nga adunay sulod nga ₱35 milyon sa parking area sa Office of the Ombudsman niadtong Disyembre 2022.
Sumala pa ni Madriaga, ang maong kwarta gikan kuno sa kampo ni Duterte nga adunay kalabotan usab sa paggamit sa confidential funds sa Office of the Vice President ilawom ni VP Sara Duterte.
Gibarugan ni Martires nga walay basehan ang akusasyon batok kaniya. Padayon nga ginaimbistigahan ang alegasyon kabahin sa imbestigasyon nga may kalabotan sa impeachment case batok kang VP Sara Duterte, nga nagbutyag nga paspas sumala pa nga nagasto ang ₱125 milyon nga confidential funds niadtong 2022.
“If the public’s perception that I am close to former Pres. Rodrigo Duterte is true, then why would the former President send me money through a nonentity when FPRRD can easily summon me so he can give me money?”
Samtang kabahin niini, hugot usab nga gilimod ni Martires ang bisan unsang kalambigitan sa maong transaksyon ug gibutyag niini nga walay lig-on nga basehan ang mga alegasyon batok kaniya.
Gilauman nga magpadayon ang imbestigasyon aron mapatin-aw ang tanan nga isyu ug masiguro ang transparency ug accountability sa paggamit sa pondo sa gobyerno.
