Gitan-aw karon sa Department of Energy (DOE) ang nasud Russia isip usa sa posibleng alternatibong supplier sa lana alang sa Pilipinas, taliwala sa nagpadayon nga tensyon sa Tungang-Sidlakan nga nakaapekto sa global oil supply.
Sumala pa sa DOE, nga importante ang pagdugang og kapilian sa suplay salana aron masiguro ang padayon nga suplay sa nasod, ilabi na nga nagsalig ang Pilipinas sa importated nga lana gikan sa ubang nasod.
Gipatin-aw sab sa mga opisyal ang posibilidad sa pagkuha og mga pagtugot aron makapadayon ang importasyon gikan sa Russia bisan pa sa nagapadyon nga international regulation.
Gawas sa Russia, gitan-aw sab ang ubang nasod isip alternatibong sources sa lana aron malikayan ang kakulangon sa suplay ug pagsaka sa presyo sa petrolyo.
Ang maong lakang kabahin sa mas halapad nga plano sa gobyerno sa pag-diversify sa energy sources ug pagpanalipod sa ekonomiya batok sa epekto sa krisis sa global nga merkado sa enerhiya.
