Gikumpirma sa state weather bureau nga ang kaniadtong Low Pressure Area (LPA) mikusog na ug nahimong usa ka tropical storm sulod sa monitoring domain.
Ang bagyo, nga pagatawgon og “Caloy” kung hingpit na nga makasulod sa Philippine Area of Responsibility (PAR), nasiplatan sa gilay-on nga mga 2,800 kilometro sa sidlakan sa Northeastern Mindanao.
Adunay maximum sustained winds nga 55 kilometro matag oras ug paghaguros nga moabot ngadto sa 70 kilometros matag oras.
Sumala sa report ubos ang posibilidad nga mo-landfall ang bagyo sa kayutaan sa Pilipinas tungod sa gilauman nga northward trajectory niini.
Bisan pa man, mahimo gihapon kini magdala og kusog nga balod sa sidlakang bahin sa nasud nga posibleng makaapekto sa pagpanagat ug shipping routes.
Tungod niini gipahimangnoan ang publiko nga magpabiling alerto sa sunod nga mga advisory ug mag-andam sa posibleng kausaban sa direksyon ug kusog sa bagyo.
Sa karon, nagpabilin nga madag-umon ang pipila ka mga lugar sda Pliponas nga adunay isolated rainshowers o thunderstorms sa kauluhan ug uban pang bahin sa nasud tungod sa localized thunderstorms.
