Gipahigayon sa 10th Infantry (Agila) Division sa Philippine Army ang donning of ranks, oath-taking, ug recognition ceremony atol sa ilahang regular nga flag-raising activity sa headquarters sa Barangay Tuboran niadtong Abril 6, 2026.
Anaa sa kinatibuk-an nga 16 ka opisyal ang napromotar diin ang usa ngadto sa ranggo nga Lieutenant Colonel ug 15 ngadto sa First Lieutenant.
Gipangulohan ni Major General Alvin Luzon ang donning of rank insignias, ug giila ang dedikasyon, kahibalo, ug commitment sa serbisyo sa mga opisyal.
Samtang, opisyal usab nga misulod sa Philippine Army si Mariel Magallanes isip Civilian Human Resource personnel human sa iyahang oath-taking, nga nagtimaan sa iyahang pagsugod sa public service aron suportahan ang misyon sa Army.
Dugang pa usab, adunay duha ka civilian personnel nga sila Teresita Mirafuentes ug Verlie Laput ang gihatagan og Certificates of Appreciation tungod sa ilahang maayong performance ug mahinungdanon nga nahatag nga serbisyo sa Phil. Army.
