Nakadawat og libreng gasolina ang mga drayber sa traysikol sa Panabo City pinaagi sa usa ka Vlogger nga nagtanyag sa maong hinabang.
Tungod sa maong kalihukan, gidagsa kini sa mga traysikol nga gustong makapa-fulltank sa ilahang mga motor.
Giila ang usa ka Vlogger nga si Lady Tisay Muertena nga nakabase dinhi sa dakbayan sa Davao.
Nasayran nga anaa sa 395 ka mga pedicab ug bao2 drivers nahatagan sa libreng gasolina.
Sumala pa sa nahisgutan nga wala moabot sa iyahang limit nga 500 ka mga unit sa traysikol apan 395 lamang ang nahatagan niini og libre nga gasolina tungod nakamugna na kini ug bug-at nga trapiko sa maong dalan.
Mokabat usab sa P275,000 ang nagasto sa nasampit nga Vlogger.
Gibutyag ni Lady Tisay nga sunod niini nga target nga hatagan usab og gasolina ang mga drayber sa traysikol sa Tagum City. Nanggamuyo usab ang nahigutang Vlogger nga hatagan pa kini kusog lawas aron daghan sumala pa ang iyahang matabanagan nga mao sumala pa ang iyahang kalipay.
Nasayran nga una na usab nga nanghatag og libreng gasolina ang nahigutang Vlogger dinhi sa dakbayan sa Davao.
