Pilipino nga nadakpan tungod sa espionage, nagbutyag nga gipakuha kini og impormasyon sa kalihukan sa WPS

Gibutyag sa usa ka Pilipino nga nadakpan tungod sa giingong espionage nga gisugo kini sa paghatag og impormasyon kabahin sa operasyon sa Philippine Navy ug Philippine Coast Guard sa West Philippine Sea, lakip usab ang Balikatan Exercises.

Sumala sa suspek nga giila nga si alyas “Danny,” usa siya sa tulo ka mga Pilipino nga giatubang ang kaso sa espiya alang sa China.

Sa sinugdanan sumala pa, nagtuo kini nga nakig-istorya lamang siya sa usa ka American journalist, apan misangpot kini sa pagpangayo og sensitibong impormasyon.

Padayon pang giimbestigahan sa mga awtoridad ang maong kaso samtang gipakusgan ang seguridad nga adunay kalabotan sa mga aktibidad sa West Philippine Sea ug sa mga joint military exercises sa nasod.