Dili matago ni US Pres. Donald Trump ang iyahang pagkadismaya sa United Kingdom. Kini tungod kay wala sumala pa’y tabang nga gihatag ang UK sa giyera batok sa Iran.
Partikular nga gihisgutan sa presidente sa US ang iyahang personal nga pakigpulong kang PM Keir Starmer diin mibalibad kini sa pagpadala og mga kagamitang militar ngadto sa Middle East.
Gipasigarbo usab ni Trump nga ang UK usa sa labing lig-on nga kaalyado sa Estados Unidos, ilabi na ilawom sa North Atlantic Treaty Organization, diin dako sumala pa ang gasto ang gihimo sa Amerika alang sa alyansa.
Giangkon usab ni Trump nga wala siya nakahibalo kung buhi pa ba o patay na ang supreme leader sa Iran nga si Mojtaba Khamenei, tungod kay wala pa kini nagpakita sa publiko sukad siya nahimong pangulo.
Una nang gibutyag ni Trump nga dul-an 90 porsiyento na ang nadaot sa Iran tungod sa padayon nga pag-atake sa Estados Unidos ug Israel.
Nagtuo usab si Trump nga dili gamiton sa Israel ang ilahang nuclear weapons sa pakiggubat batok sa Iran.
