Dakpan sa kapulisan ang duha ka mga nagpayuhot og iligal nga droga atol sa usa ka drug buy-bust operation pasado alas Onsi ang takna kagabii.
Gilusad ang operasyon sa Iñego Village, Kilometer 8, Matina Pangi ning syudad sa Davao nga miresulta sa pagkasikop sa managtrato nga giila nga sila alyas Kusa, 27 anyos, usa ka motorcycle mechanic, ug si alyas Rubie, 20 anyos, nga susamang residente sa maong lugar. Nadakpan ang mga nahisgutan atol sa joint operation sa Baliok Police Station (PS17) ug sa mga operatiba sa Philippine Drug Enforcement Agency XI (PDEA XI).
Nakumpiska sa mga nahisgutan ang Dusi ka mga pakete sa gituohang iligal nga droga nga adunay timbang nga 6.4 gramos ug standard drug price nga P43,520.
Nakumpiska usab ang P500 nga buybust money, brown belt bag nga gibutangan sumala pa sa iligal nga droga, ug lain-laing identification cards.
Sa pagkakaron ang mga dinakpan ang pasakahan og kaso nga pagsupak sa Republic Act 9165 (Comprehensive Dangerous Drugs Act of 2002) samtang anaa karon sa kostudiya sa Baliok PNP.
