Misaka ang inflation sa Pilipinas ngadto sa 13-month high nga 2.4 porsyento niadtong Pebrero, tungod sa padayon nga pagsaka sa gasto sa panimalay, utilities, ug pagkaon, sumala sa report sa Philippine Statistics Authority karong adlawa.
Sumala pa nga mas paspas ang bag-ong datos kumpara sa 2 porsyento nga annual print niadtong Enero ug nagtimaan sa ikatulong sagunson nga bulan sa pagdali sa inflation.
Kini ang labing taas sukad sa 2.9 porsyento nga narehistro niadtong Enero 2025. Bisan pa man niini, nagpabilin ang inflation sulod sa gilauman sa Bangko Sentral ng Pilipinas nga range nga 2.3 porsyento hangtod 3.1 porsyento, ug ubos sa 2.6 porsyento nga median estimate sa 14 ka ekonomista nga gipang-poll.
Sumala sa PSA, ang housing, tubig, kuryente, ug gas nakahatag og 3.5 porsyento nga inflation rate niadtong Pebrero, nga mao ang nag-unang kontribusyon sa kinatibuk-ang inflation.
Gisundan kini sa pagkaon ug non-alcoholic beverages nga misaka sa 1.8 porsyento gikan sa 1.1 porsyento niadtong Enero.
