Nagkahiusa ang mga lider sa Davao de Oro, Davao Oriental, ug Davao Occidental sa pagpalig-on sa konektibidad aron mapahimutang ang tulo ka probinsya isip usa ka gateway corridor padulong sa Brunei Darussalam–Indonesia–Malaysia–Philippines East ASEAN Growth Area (BIMP-EAGA).
Sa forum nga gipahigayon niadtong Marso 4 sa Provincial Capitol sa Nabunturan isip kabahin sa Bulawan Festival 2026, gipasiugda ni Davao de Oro Governor Raul “RM” Mabanglo ang kahinungdanon sa interprovincial collaboration aron mapadali ang economic growth ug makadani og daghang pamuhunan sa rehiyon.
Sentro sa diskusyon ang Gateway Connectivity Program nga nagtinguha sa paghiusa sa air, land, ug sea infrastructure sa tulo ka probinsya.
Gipadayag usab sa Mindanao Development Authority, DTI Region XI, ug DOT Region XI ang ilang suporta sa inisyatiba.Natapos ang kalihokan pinaagi sa ceremonial signing sa Pledge of Commitment, nga nagtimaan sa kolektibong paningkamot sa tulo ka probinsya alang sa “One Gateway Corridor” sa Mindanao.
