Gipahigayon na sa probinsyal nga panggamhanan sa Davao De Oro ang send-off ceremony alang sa mga atleta nga musalmot sa Davao Region Athletic Association kon (DAVRAA) Meet 2026 sa Tagum City sugod karong Dominggo, Pebrero 22.
Andam nang muhatod og garbo sa probinsya ang Davao de Oro Golden Thunderbolts Kini human sa opisyal nga pagbyahe padulong sa Tagum City nga gilangkuban sa 734 ka mga delegasyon sa probinsya nga gilangkuban sa mga atleta, coaches ug chaperones kagahapon, Pebrero 20 atol sa Send-Off Ceremony sa Nabunturan National Comprehensive High School nga gipangunahan ni Governor Raul Mabanglo.
Taliwala sa walay hunong nga pagmonitor sa sitwasyon sa probinsya nga apektado sa walay undang nga pag ulan, gipakita sa Gobernador ang iyang sinsero nga suporta sa mga atleta pinaagi sa iyang presensya ug mensahe nga mihatag og inspirasyon kanila.
“As you compete in your respective sporting events, may you carry the pride of being an athlete of Davao de Oro who upholds resilience, discipline, and sportsmanship. Anaa ang akong dakong suporta kaninyo sa inyong panaw sa paghatag og dakong garbo sa atong probinsya dli lamang sa pagdaog og medalya apan sa pagdaog og kasingkasing pinaagi sa pagpakita og maayong kinaiya. I pray for your safety in every competition as you continue to pursue your dreams through sports,” sigun sa Gobernador.
Gisugdan ang panaw sa delegasyon sa pag pangayo og giya ug kusog sa labaw’ng makagagahum pinaagi sa usa ka misa nga gitambungan sab sa mga opisyales sa probinsya ug Department of Education sa Davao de Oro.
Ang Davao Region Athletic Association (DAVRAA) Meet 2026 usa ka semana nga kalihukan sa paugnat sa kusog diin magtigi ang katakos sa mga atleta nga gikan sa nagkadaiyahang tulunghaan sa rehiyon nga kini ang kabahin usab sa preparasyon alang sa Palarong Pambansa.
