Pormal nang itaral sa General Court Martial si Colonel Audie Mongao human nakita ang igo nga basehan ang mga report nga gibawi niini ang iyahang suporta kang Pangulong Ferdinand “Bongbong” Marcos Jr.
Sa usa ka press conference, gikumpirma ni Philippine Army Chief Lieutenant General Antonio Nafarrete nga mag-atubang si Mongao og kaso sa paglapas sa Article 63 o “Disrespect toward the President, Vice-President, National Assembly” ubos sa Articles of War.
Sumala ni Nafarrete, nahuman na ang imbestigasyon sa Training Command ug ginatukod na ang lupon nga magdumala sa pagtaral.
Dugang pa sa heneral, klaro nga ang mga gihimong lakang ni Mongao nga usa ka walay pagrespeto sa Articles of War.
Matud pa, gitangtang si Mongao isip commander sa Training Support Group human mikatag sa social media ang giingong pahayag niini kabahin sa withdrawal of support sa Punong Ehekutibo.
Si Mongao giila nga senior officer nga adunay kapin sa tulo ka dekada na nga serbisyo sa Philippine Army.
