Napabilin ang kusog sa Tropical Storm Basyang human kini mag-landfall og karon miagi sa bahin sa Jabonga, Agusan del Norte.
Nasiplatan ang sentro niini sa area sa Jabonga, Agusan del Norte.
Dala niini ang kusog sa hangin nga 65 km/h duol sa sentro ug mga paghaguros nga moabot hangtod 90 km/h.
Naglihok kini paingon sa direksyong kasadpan amihanang kasadpan sa gikusgon nga 25 km/h.
Moabot hangtod sa 330 km gikan sa sentro ang kusog nga hangin sa sirkulasyon sa Bagyong Basyang.
Signal No. 2:
Visayas: Habagatang Leyte, Bohol, dakong bahin sa Cebu, Siquijor, Negros Oriental, ug habagatang Negros Occidental
Mindanao: Dinagat Islands, Surigao del Norte, amihanang Surigao del Sur, Agusan del Norte, amihanang Agusan del Sur, Camiguin, Misamis Oriental, amihanang Bukidnon, ug sidlakang Misamis Occidental
Signal No. 1:
Luzon: Habagatang Occidental ug Oriental Mindoro, Romblon, amihanang bahin sa Palawan (lakip ang Calamian, Cuyo, ug Cagayancillo Islands), ug habagatang Masbate
Visayas: Habagatang Eastern Samar, habagatang Samar, Biliran, nahibiling bahin sa Leyte, Cebu, Negros Occidental, Guimaras, Iloilo, Capiz, Aklan, ug Antique
Mindanao: Nahibiling bahin sa Surigao del Sur ug Agusan del Sur, amihanang Davao Oriental, amihanang Davao de Oro, amihanang Davao del Norte, sentrong Bukidnon, Lanao del Norte, Misamis Occidental, Lanao del Sur, dakong bahin sa Zamboanga del Norte ug Zamboanga del Sur, ug amihanang-sidlakang Zamboanga Sibugay
