-- ADVERTISEMENT --
Nagkahinay na ang bagyong Ada samtang kini ang palayo na sa kayutaan ug padulong sa kadagatan nga bahin sa Pasipiko.
Sumala sa Philippine Atmospheric, Geophysical and Astronomical Services Administration (PAGASA), nasiplatan ang sentro sa bagyo 275 kilometros sa amihanang-sidlakan sa Virac, Catanduanes, ug adunay kusog sa hangin nga 65 kilometros matag oras ug pagbugso nga moabot sa 80 kph.
Giwagtang na usab sa maong ahensya ang tanang nakasakaa nga Tropical Wind Signals tungod nagpalayo na ang bagyo sa kayutaan.
Dugang pa sa maong ahensya, usa sa mga hinungdan sa paghinay sa bagyo mao ang kusog nga hangin nga dala sa amihan.
Gilauman nga ugmang adlawa hingpit na nga matunaw ang bagyong Ada.
-- ADVERTISEMENT --
