Gipahayag ni US President Donald Trump nga gihunong sa Iran ang gikatakdang pagpatay sa mga nabilanggong protesters.
Gisultihan usab kuno ang US President nga nahunong na ang mga pagpatay sa Iran, apan bisan paman niini, gitimbang pa gihapon ni Trump ang pagkasa ug military action sa nahisgutang nasud.
Ipadayon usab kuno sa administrasyon niini ang paglantaw sa crackdown sa mga nagprotesta sa Iran.
Samtang gi-awhag usab ang pipila ka US personnel nga mubiya sa military base sa Estados Unidos sa Qatar isip pag-amping.
Ubay-ubay nga nasud na usab ang nag-awhag sa ilahang katawhan nga mubiya sa nahisgutang nasud samtang pipila ka airlines usab ang nagpatuman ug rerouting sa ilahang flights aron malikayan ang airspace sa Iran.
Sa kasamtangan, kinatibuk-ang 2,400 protesters na ang ang napatay sukad gisugdan sa Iran ang crackdown.
Samtang hangtod sa pagkakaron, padayong gipatuman sa estado ang internet blackout halos usa ka semana na ang nakalabay.
