Pulos nagpadayag ug kabalaka ang Pilipinas ug Estados Unidos sa gihimong military exercise sa China haduol sa palibot sa Taiwan, nga matod pa nagpataas sa tensyon ug naghulga sa kalinaw ug kalig-unan sa rehiyon.
Gipahayag ni Thomas “Tommy” Pigott, Principal Deputy Spokesperson sa U.S. Department of State, ang mga lakang ug retorika sa China batok sa Taiwan, ang wala kinahanglana nga mupasamot sa tensyon.
Gi-awhag sa Estados Unidos ang Beijing nga magpugong, ihunong ang military pressure batok sa Taiwan ug makigdayalogo sa mapuslanong pamaagi.
Subling gikanayon sa US ang suporta niini sa kalinaw ug kalig-unan sa Taiwan Strait ug ang pagsupak sa bisan unsang unilateral nga kabag-uhan sa mipatigbabaw nga kahimtang, ilabi na sa pamaagi sa pwersa o pagpamugos.
Samtang gipahayag usab ni Defense Secretary Gilberto C. Teodoro Jr., ang nagkagrabeng pagpamugos sa China ang adunay mas lapad nga implikasyon dili lamang sa panaglambigit sa cross-Strait apan sa kinatibuk-ang Indo-Pacific.
