-- ADVERTISEMENT --
Nagkasabot ang Cambodia ug Thailand sa usa ka dinalian nga ceasefire sugod kagahapong adlawa, aron tapuson na ang tulo ka semana nga maduguong panagsangka sa ilahang utlanan.
Ang maong kagubot miresulta sa pagkamatay sa labing menos 47 ka mga tawo ug nakapabakwit sa kapin sa usa ka milyon nga mga residente tungod sa paggamit og mga tangke ug artilya.
Ubos sa hiniusang pahayag, ang duha ka nasod miuyon nga ihunong ang tanang paglihok sa militar ug tugotan ang mga sibilyan nga makabalik na sa ilang mga panimalay.
Nakab-ot ang maong panagsabot human sa tulo ka adlaw nga panaghisgot nga gipasiugdahan sa mga foreign ministers sa ASEAN.
