Misaka ang ihap sa mga kaso sa non-communicable diseases o mga sakit nga dili makatakod sa nasud niining bisperas sa Pasko.
Gikumpirma kini sa Department of Health (DOH), diin ilang natala ang pagsaka sa mga kaso gikan Disyembre 21 hangtod 24.
Sumala sa ilang datos, miabot sa 18 ka kaso ang natala sulod lamang sa upat ka adlaw.
Lakip sa mga natalang kaso ang mga pasyenteng giatake sa kasingkasing, mga na-stroke, ug mga giatake sa asthma.
Ang pag-monitor sa ingon niini nga mga sakit kabahin na sa ilang Ligtas Christmas Campaign, usa ka programa sa DOH nga nagtinguha sa pagpanalipod sa kahimsog sa publiko niining panahon sa Kapaskuhan.
Sa mas detalyadong datos, napakita nga 14 sa 25 ka pasyente nga giatake sa kasingkasing ang nag-edad 60 pataas.
Samtang, 14 sa 45 ka pasyente nga na-stroke ang lakip sa parehong age group.
Nagpakita kini nga ang mga nagkatigulang ang labing vulnerable sa mga non-communicable diseases niining holiday season.
